An Litir Bheag (The Little Letter) An Litir Bheag
Sreath de litrichean a bheir taic do luchd-ionnsachaidh na Gàidhlig. Bidh iad seo cuideachail do luchd-ionnsachaidh a tha seachad air ìre-tòiseachaidh agus a tha ag iarraidh barrachd Gàidhlig a leughadh. Tha faidhle fuaim, teacsa agus eadar-theangachadh an cois gach litir. Sna tràth-litrichean, tha puingean cànain is abairtean a’ gabhail àite eadar-theangachadh slàn. A series of letters that offer support to Gaelic learners. These will be helpful to learners who are beyond a beginners’ level and want to read more. Audio, text and translation accompany each letter. In the early letters, language points and phrases are provided instead of a full translation.
- Gaelic & English text Teacsa Ghàidhlig & teacsa Bheurla
- Gaelic text Teacsa Gàidhlig
- PDF & links PDF & ceanglaichean
Carbadan Argyll (1) (Litir Bheag 717) Argyll petrol cars (1) (Litir Bheag 717)
Carbadan Argyll (1) Argyll petrol cars (1)
A hundred and twenty years have elapsed since the company Hozier Engineering was established. Hozier was based in Bridgeton in Glasgow. They were building cars commercially. They were making cars called Argylls.
It’s a man called Alexander Govan that was behind the Argyll. He was raised in poverty in Blantyre in Lanarkshire. His family moved to Glasgow. But they were surrounded by poverty there as well.
Alex wanted to improve his own situation. He went to a technical college, where he did well. He moved to England – to Redditch in Worcestershire. He got work in an engineering factory. The company was making cars, among other things.
When Alex returned to Scotland, he got work at The Scottish Manufacturing Company in Glasgow. It’s the entrepreneur, William A Smith, that was behind the company. He was an expert on patent law. Smith wanted to get involved in making petrol vehicles. He hired Alex Govan to restructure the company. They changed its [her] name to the Hozier Engineering Company.
They had a car within a few months. They called it an Argyll Voiturette. It was being sold at a reasonable price – 155 guineas. It was based on a voiturette that was made by Renault in France.
But why didn’t Renault take them to court? Well, as I was saying, Hozier’s boss, William Smith, was an expert on patent law! However, they had to design a new gearbox. Hozier took out a patent for that.
The engine – that was in the front of the car – developed two and three-quarters horsepower. The engine was connected to the rear wheels with a driveshaft, clutch and gearbox that worked at three speeds. The Voiturette’s maximum speed was eighteen miles per hour. I’ll have more on the Argylls next week.
Argyll petrol cars (1) (Litir Bheag 717)
Carbadan Argyll (1)
Tha ceud is fichead bliadhna air a dhol seachad on a chaidh a’ chompanaidh Hozier Engineering a chur air dòigh. Bha Hozier stèidhichte ann am Baile na Drochaid ann an Glaschu. Bha iad a’ togail chàraichean gu coimeirsealta. Bha iad a’ dèanamh chàraichean air an robh Argylls mar ainm.
ʼS e fear Alexander Govan a bh’ air cùl an Argyll. Thogadh e ann am bochdainn ann am Baile an t-Saoir ann an Siorrachd Lannraig. Ghluais a theaghlach a Ghlaschu. Ach bha iad air an cuairteachadh le bochdainn an sin cuideachd.
Bha Ailig airson piseach a thoirt air a shuidheachadh fhèin. Chaidh e gu colaiste theicnigeach, far an do rinn e gu math. Ghluais e a Shasainn – gu Redditch ann am Worcestershire. Fhuair e obair ann am factaraidh einnseanairidh. Bha a’ chompanaidh a’ togail chàraichean, am measg eile.
Nuair a thill Ailig a dh’Alba, fhuair e obair aig a’ Scottish Manufacturing Company ann an Glaschu. ʼS e an entrepreneur, Uilleam A Mac a’ Ghobhainn, a bh’ air cùl na companaidh. Bha e na shàr-eòlaiche air lagh nam peutantan. Bha Mac a’ Ghobhainn airson a dhol an sàs ann an togail charbadan-ola. Dh’fhastaich e Ailig Govan airson cruth-atharrachadh a thoirt air a’ chompanaidh. Dh’atharraich iad a h-ainm gu The Hozier Engineering Company.
Bha càr aca taobh a-staigh beagan mhìosan. ʼS e Argyll Voiturette a chanadh iad ris. Bhathar ga reic aig prìs reusanta – ceud, caogad ʼs a còig gini. Bha e stèidhichte air voiturette a chaidh a thogail le Renault san Fhraing.
Ach carson nach tug Renault gu cùirt iad? Uill, mar a bha mi ag ràdh, bha ceannard Hozier, Uilleam Mac a’ Ghobhainn, na eòlaiche air lagh nam peutantan! Ge-tà, bha aca ri bogsa-ghèaraichean ùr a dhealbhachadh. Thug Hozier a-mach peutant airson sin.
Bha dà is trì-chairteal horsepower san einnsean – a bha ann an toiseach a’ chàir. Bha an t-einnsean air a cheangal ris na cuibhlichean deiridh le fearsaid-dràibhidh, cluidse agus bogsa-ghèaraichean a bha ag obair aig trì astaran. B’ e an t-astar a bu luaithe aig a’ Voiturette ochd mìle deug san uair. Bidh tuilleadh agam air na h-Argylls an-ath-sheachdain.
PDF documents are especially suited for printing out. Most computers can open PDF files, but if you have problems viewing them you may need to install reader software such as Tha faidhleachan PDF gu sònraichte math airson clò-bhualadh. Tha e furasta gu leòr do chuid de choimpiutairean faidhleachan PDF fhosgladh, ach ma tha trioblaid agad ‘s dòcha gum biodh e feumail bathar-bog mar Adobe Acrobat Reader. fhaighinn.
Litir do Luchd-ionnsachaidh
This letter corresponds to Tha an Litir seo a’ buntainn ri Litir do Luchd-ionnsachaidh 1021
BBC offers this litir as a podcast – visit the programme page for more info and to download or subscribe. Tha am BBC a’ tabhainn seo mar podcast. Tadhail air an duilleag-phrògraim airson barrachd fiosrachaidh no airson podcast fhaighinn