ClàrMenu
FaclairDictionary EnglishGàidhlig

62: The Sheriff read the Riot Act and the Great Fight of Wick  62: Siorram Achd na h-Aimhreit, agus Sabaid Mhòr Inbhir Ùige

B1 - Intermediate - The Little LetterB1 - Eadar-mheadhanach - An Litir Bheag

Siorram Achd na h-Aimhreit, agus Sabaid Mhòr Inbhir Ùige

Gaelic Gàidhlig

Bha Sabaid Mhòr Inbhir Ùige ann. Bha sin as t-samhradh ochd ceud deug, caogad ’s a naoi (1859). Leugh an Siorram Achd na h-Aimhreit. Dh’fhalbh an sluagh. Ach thàinig buidheann còmhla a-rithist.

’S e Gàidheil a bh’ anns an fheadhainn seo. Bha iad airson briseadh a-steach do stèisean nam poileas. Bha iad airson na companaich aca, a bh’ ann an grèim, a leigeil a-mach. Ach bha na poilis a’ feitheamh. Bha batail ann airson deich mionaidean. Bhuannaich na poilis. Dh’fhalbh na Gàidheil.

Ach cha b’ e sin e. Bha còmhlain de ghillean à Inbhir Ùige a’ coiseachd nan sràidean. Bha iad a’ coimhead airson Gàidheil. Bha iad ag iarraidh ionnsaigh a thoirt orra. Bha iad ag aithneachadh nan Gàidheal bho na bonaidean aca.

Madainn Diluain bha sluagh timcheall taigh na cùirte. Cha do dh’fhosgail taigh na cùirte. Bha an sluagh mì-thoilichte. Bha iad a’ fàs feargach. Bha slatan fiodha aig cuid aca. Bha ceithir mìle duine ann. Chaidh an dithis phrìosanach – Raibeart Dòmhnallach agus fear eile – a leigeil ma sgaoil air urras. Ach cha robh an sluagh sàsaichte.

Bha caiptean a’ Phrincess Royal – soitheach riaghaltais – an làthair. ’S ann à Leòdhas a bha e. Bha mòran eòlach air. Bhruidhinn esan ris an t-sluagh. Bha fichead dhen chriutha aige ann cuideachd. Bha iad a’ dol a thoirt taic do na poilis. Agus thàinig buidheann de shaighdearan don bhaile air eacarsaich. Sgaoil an sluagh.

Cha deach na h-iasgairean gu muir, ge-tà. Chaidh glè bheag de bhàtaichean gu muir Dimàirt no Diciadain. Cha robh muinntir a’ bhaile air an socair. Dh’fhalbh cuid de na h-iasgairean Gàidhealach dhachaigh Diardaoin. Cha robh iad ag iarraidh a bhith ann tuilleadh.

Ach gu mì-fhortanach cha robh Sabaid Mhòr Inbhir Ùige seachad. Disathairne, thàinig feachdan cogaidh. Bha iad air na longan am Prince Consort agus an Jackal. Bha saighdearan gu leòr aig an t-Siorram a-nise. Mar sin, dh’fheuch e ri grèim fhaighinn a-rithist air Raibeart Dòmhnallach. Chì sinn dè thachair anns an ath Litir.

Faclan is abairtean: Sabaid Mhòr Inbhir Ùige: The Great Fight of Wick; Leugh an Siorram Achd na h-Aimhreit: the Sheriff read the Riot Act: thàinig buidheann còmhla a-rithist: a group gathered once more; bha iad airson briseadh a-steach do stèisean nam poileas: they wanted to break into the police station; bha iad airson na companaich aca a leigeil a-mach:they wanted to let their companions out; bha na poilis a’ feitheamh: the police were waiting; cha b’ e sin e:that wasn’t it [finished]; còmhlain de ghillean: groups of lads; bha iad ag iarraidh ionnsaigh a thoirt orra:they were wanting to attack them; bha iad ag aithneachadh nan Gàidheal bho na bonaidean aca: they were recognising the Gaels from their bonnets; bha sluagh timcheall taigh na cùirte: a crowd was around the courthouse; bha slatan fiodha aig cuid aca: some had wooden rods; chaidh an dithis phrìosanach a leigeil ma sgaoil air urras:the two prisoners were released on bail; sàsaichte: satisfied; bha caiptean an X – soitheach riaghaltais – an làthair: the captain of the X – a government vessel – was present; bhruidhinn esan ris an t-sluagh: he spoke to the crowd; fichead dhen chriutha aige: twenty of his crew; thàinig buidheann de shaighdearan don bhaile air eacarsaich:a group of soldiers came to the town on exercise; sgaoil an sluagh: the crowd dispersed; cha deach na h-iasgairean gu muir: the fishermen didn’t put to sea; cha robh muinntir a’ bhaile air an socair: the townsfolk weren’t relaxed; cha robh iad ag iarraidh a bhith ann tuilleadh: they didn’t want to be there anymore; gu mì-fhortanach: unfortunately; Disathairne, thàinig feachdan cogaidh: on Saturday military forces came; bha saighdearan gu leòr aig an t-Siorram a-nise: the Sheriff now had enough soldiers; dh’fheuch e ri grèim fhaighinn a-rithist air X: he tried to recapture X.

PDF

Download the text of this week's letter as a PDF:Thoir a-nuas Litir mar PDF:

Download File

PDF documents are especially suited for printing out. Most computers can open PDF files, but if you have problems viewing them you may need to install reader software such as Tha faidhleachan PDF gu sònraichte math airson clò-bhualadh. Tha e furasta gu leòr do chuid de choimpiutairean faidhleachan PDF fhosgladh, ach ma tha trioblaid agad ‘s dòcha gum biodh e feumail bathar-bog mar Adobe Acrobat Reader. fhaighinn.

Litir do Luchd-ionnsachaidh

This letter corresponds to Tha an Litir seo a’ buntainn ri Litir do Luchd-ionnsachaidh 366

Podcast

BBC offers this litir as a podcast: Visit the programme page for more info and to download or subscribe. Tha am BBC a’ tabhainn seo mar podcast. Tadhail air an duilleag-phrògraim airson barrachd fiosrachaidh no airson podcast fhaighinn

Other letters Litrichean eile