Watch Gaelic Coimhead Gàidhlig

[Anna] Tha iomadach rud air tachairt tro mo bheatha ’s nam biodh fios agad ro làimh dè tha a’ dol a thachairt dhut chan eil mi a’ smaoineachadh gun deigheadh tu a-mach air an doras. Tha mi air a bhith tro iomadach rud tro mo bheatha. Ghabh mi polio nuair a bha mi glè òg. Ghabh mi tinneas-inntinn nuair a bha mi mu dheich bliadhna fichead. ’S bha, chaidh an duine agam a mharbhadh ann an tubaist a’ Phiper Alpha ’s cha d’ fhuair mi riamh an dust a thoirt dhachaigh. Ghabh mi aillse. Agus an-diugh tha Parkinsons orm. Bidh daoine a’ cantainn uill ciamar a tha rudan mar sin a’ tachairt dhut ’s as urrainn dhut do chreideamh a chumail. Cha do chaill mi mo chreideamh idir agus bha e na thaic mhòr dhomh. Bha, tha e math nuair as urrainn dhut dìreach bruidhinn Ris ’s tha fios agad gu bheil E ann an siud ’s nach leig E sìos thu. Agus sin mar a tha E air a bhith air feadh mo bheatha ’s tha E fhathast a’ cumail grèim orm.

[Anna] Thachair mi ri Iain anns an Eilean Sgitheanach. Bha e thall ann an sin ag obair ’s bha mise ag obair ann an oifis hotel aig an àm ann an Sligeachan agus dh’fhàs sinn eòlach air a chèile ’s thàinig mi air ais a-nuas a dh’Inbhir Narann ’s phòs sinn agus bha sinn còmhla bhon uair sin. ’S bha dithis chloinne againn, Yvonne ’s Evan. Bha Iain ag obair air a’ Phiper Alpha. ’S e obair phìoban a bhiodh e a’ dèanamh ’s bhiodh an rèidio a’ tighinn air anns a’ mhadainn agus dhùisg mi ’s chuala mi mu dheidhinn tubaist agus bha mi a-staigh a’ coimhead air Yvonne mar-thà a dh’fhaicinn an robh i na dùisg, sin agad e, ’s thill mi ’s bha mi na mo shuidhe air an leabaidh nuair a chuala mi rud agus ’s ann nuair a chuala mi ise a’ tighinn thàinig mi thugam fhìn agus thàinig i a-staigh ’s thuirt i “an e siud an rig air a bheil Dad?”. ’S bha sinn a’ feitheamh fad an latha ’s bha e mu shia uairean nuair a thàinig am poileasman chun an dorais ’s nuair a thàinig e a-staigh thuirt e gun robh e air a chall ’s nach robh dùil aca gum faigheadh iad a-nis e. Tha fios agad an-còmhnaidh gu bheil an Tighearna ann an siud ’s gun urrainn dhut bruidhinn Ris uair sam bith ’s tha an gealladh agad gum faigh thu an taic ’s gum faigh thu an neart airson a h-uile trioblaid a thig. Cha d’ fhuair sinn gealladh idir nach bi trioblaidean againn ach fhuair sinn an gealladh gum faigh sinn an neart airson an coinneachadh.

[Anna] Às dèidh a h-uile càil bha rannsachadh ann. Bha sin doirbh, ag èisteachd ri cho … cho … na cunnartan a bha siud nach robh còir a bhith ann idir, idir. Tha cuimhne a’m an fhearg a bha mi a’ faireachdainn agus nach leigeadh cùisean a leas a bhith mar a bha agus tha cuimhne a’m air an latha anns an tagsaidh a’ dol a-null chun an rannsachaidh agus bha mi a’ faireachdainn na feirg a bha seo ’s thuirt mi, bha mi, chuir mi suas ùrnaigh … ar cuideachadh, chan eil dòigh sam bith as urrainn dhòmhsa dèiligeadh leis an fheirg a tha seo. Thàinig e nam inntinn uill tha an gealladh ud agad, cha chuireadh E tro bharrachd thu na as urrainn dhut dèiligeadh ris ’s gheibh thu an neart airson dèiligeadh ris. Agus fhuair, ’s chaidh mi tron sin ’s chaidh mi tro rudan eile. Tha uiread. uiread ann a bhith taingeil air a shon agus an teis-meadhan mo bheatha ’s a h-uile càil tha Ìosa ’s mo chreideamh. ’S e Esan an tomhas dhen h-uile càil a bhios mi a’ dèanamh. ’S iomadach àm a tha mi Ga leigeil sìos ach chan eil Esan ga mo leigeil-sa sìos idir.

[Anna] ’S e am Piper Alpha as duilghe a chaidh mi troimhe riamh agus chan eil beachd agam gun robh mi air faighinn tro sin mura b’ e gun robh an cuideachadh agam. ’S bhithinn ag ùrnaigh fad an t-siubhail, fad an t-siubhail ’s chuidich E mi tro sin ’s chuidich E ’s tha E air a bhith air ar cuideachadh uile tro na bliadhnaichean ’s fhuair sinn tro a h-uile rud a thachair dhuinn. ’S bidh mi tric a’ smaoineachadh cho math dheth ’s a bha mi cuideachd gun deach mo thogail ann an dachaigh Chrìosdaidh oir bha an t-ionnsachadh a fhuair mi an sin cuideachd, mar a bhith a’ dol dhan eaglais, a’ toirt buaidh mhòr orm ’s tha mi an-còmhnaidh a’ faicinn gu bheil an Tighearna na theas-meadhan ’s E ann an siud ga mo chuideachadh agus tha mi làn dùil guma fad ’s a bhios mi beò. Tha an gealladh sin agam agus gheibh mi tron a h-uile càil.

Chaidh am prògram seo, Alleluia, a chraoladh an toiseach ann an 2010.

[Anna] Many things have happened during my life and if you had prior knowledge of what was going to happen to you I do not think that you would go out the door. I have been through many things during my life. I contracted polio when I was very young. I had a mental illness when I was about thirty years old. And my husband was killed in the Piper Alpha accident and I never got the ashes home. I had cancer. And now I have Parkinsons. People say well how do things like that happen to you and you keep your faith. I did not lose my faith at all and it was a great support for me. It was, is good when you can just speak to Him and know that He is there and that He will not let you down. And that is how He has been throughout my life and He still keeps a hold of me.

[Anna] I met Ian in the Isle of Skye. He was over there working and I was working in a hotel office at the time in Sligeachan and we got to know each other and I came back down to Nairn and we married and we were together from then. And we had two children, Yvonne and Evan. Ian was working on the Piper Alpha. He did pipe work and the radio would come on in the morning and I awoke and I heard about an accident and I was in checking on Yvonne already to see if she was awake, that is all, and I came back and I was sitting on the bed when I heard it and it was when I heard her coming that I came to and she came in and she said “is that the rig that Dad is on?”. And we waiting all day and it was about six o’clock when the policeman came to the door and when he came in he said that he was lost and that they did not expect that they would get him now. You always know that the Lord is there and that you can speak to Him anytime and you are promised that you will get support and that you will get strength for every problem that arises. We were not at all promised that we will not have problems but we were promised that we will get the strength to face them.

[Anna] After everything there was an inquest. That was difficult, listening to how … how … those dangers that should not have been there at all at all. I remember the anger that I felt and that things did not need to be as they were and I remember the day in the taxi going to the inquest and I felt this anger and I said, I was, I prayed … help us, there is no way that I can deal with this anger. It came to my mind well you have that promise, He would not put you through more than you can deal with and you will receive the strength to deal with it. And I did, and I went through that and I went through other things. There is so much to be grateful for and at the centre of my life and all is Jesus and my faith. His is my measure of everything that I do. There are many times that I let him down but He does not let me down at all.

[Anna] Piper Alpha is the most difficult thing that I ever went though and I have no idea how I would have got through that if I did not have the help. And I would pray all the time, all the time and He helped me through that and He helped and He has helped us all through the years and we got through everything that happened to us. And I often think how fortunate I was too that I was raised in a Christian household because the teachings I got there too, like going to church, greatly impacted me and I always see the Lord at the centre and He is there helping me and I fully expect so whilst I am alive. I have that promise and I will get through everything.

This programme, Alleluia, was first broadcast in 2010.